بانڈی پورہ: کسانوں کو زراعت سے متعلق خصوصی تربیت دی گئی

لداخ کے ضلع کارگل سے 70 خواتین کسانوں پر مشتمل ایک گروپ ضلع بانڈی پورہ پہنچا، جہاں انہیں محکمہ زراعت کی جانب سے کاشکاری سے متعلق نئی تکنیک سے متعارف کرایا گیا۔

مرکز کے زیر انتظام خطہ لداخ کے ضلع کرگل سے 70 خواتین پر مشتمل کسانوں کا ایک گروپ شمالی کشمیر کے ضلع بانڈی پورہ کے سمبل سوناواری علاقے میں پہنچا، جہاں انہیں محکمہ زراعت کی جانب سے کاشتکاری سے متعلق خصوصی تربیت دی گئی اور انہیں زراعت سے متعلق استعمال کی جانے والی نئی تکنیک سے واقف کرایا گیا۔

واضح رہے کہ خواتین کسانوں پر مشتمل یہ گروپ ان دنوں کشمیر کے مختلف اضلاع کا دورہ کررہا ہے، تاکہ وہ کشمیر کے مختلف اضلاع میں محکمہ ایگریکلچر کی جانب سے آرگینک فارمنگ میں استعمال کی جانے والی نئی تکنیک سے واقف ہوکر اپنے علاقوں میں بھی ان تکنیکی امور کا استعمال کر سکیں۔

سمبل سب ضلع کے ایگریکلچر افسر فاروق احمد نے اس موقع پرخواتین کسانوں پر مشتمل اس گروپ کا استقبال کیا اور بعد میں انہیں محکمہ کے ایک فارم پر انہیں زراعت سے متعلق خصوصی تربیت دی۔