بانڈی پورہ: اپنی پارٹی کی طرف سے خواتین کنونشن کا انعقاد

شمالی کشمیر کے ضلع بانڈی پورہ میں آج 'اپنی پارٹی' کی جانب سے خواتین کا یک روزہ کنونشن منعقد ہوا، جس میں خواتین کی ایک بڑی تعداد نے شرکت کی۔ پارٹی کنونشن میں اپنی پارٹی کے نائب صدرعشمان مجید، ڈی ڈی سی چیرمین بانڈی پورہ فردوسہ اختر سمیت پارٹی کے مختلف سینیئر لیڈران نے شرکت کی۔

اس موقع پر عشمان مجید نے خطاب کرتے ہوئے ورکروں پر زور دیا کہ وہ اپنی پارٹی کو مضبوط بنائیں اور پارٹی کا منشور گھر گھر پہنچائیں۔

اس موقع پر ڈی ڈی سی چیرمین و خواتین ونگ کے ضلع صدر فرودسہ اختر نے بھی خطاب کیا۔ انہوں نے خواتین پر زور دیا کہ وہ اپنی پارٹی کو مضوط بنائیں۔ انہوں نے مزید کہا کہ ایک ترقی پذیر اور مہذب سماج کے قیام میں خواتین کا کلیدی رول ہوتا ہے۔

فرودسہ اختر نے کہا کہ آج ایسا کوئی شعبہ نہیں ہے جہاں خواتین کا تعاون شامل حال نہیں ہے۔ اس موقع پر انہوں نے خواتین پر زور دیا کہ وہ تنظیم کی مضبوطی کے لیے کام کریں۔

کنونشن میں پارٹی کے سینیئر لیڈران نے بھی خطاب کیا اور اپنی پارٹی کو مضبوط کرنے پر زور دیا۔