ان خواتین نے شہریت ترمیمی قانون اور این آر سی کے خلاف نعرے لگائے اور حکومت سے مطالبہ کیا کہ شہریت ترمیمی قانون کو فوری واپس لیا جائے۔
اس موقع پر احتجاجی خواتین نے اس عزم کا اظہار کیا کہ چاہے انھیں ہتکڑیاں ڈال دی جائیں لیکن وہ اپنے مطالبات سے دستبردار نہیں ہونے والی اور حکومت کو ان کے پر امن احتجاج کے آگے جھکنا ہی پڑےگا۔
اس موقع پر خواتین نے اپنے ہتھیلیوں پر نو این آرسی، نو این پی آر اور نو سی اے اے لکھا ہوا تھا، دیکھنے پر معلوم ہوتا تھا کہ مہندی سے لکھا ہوا ہے۔
مظاہرین خواتین کا کہنا تھا کہ ہم نے طلاق ثلاثہ کے مسئلے پر آواز نہیں اٹھائی، لیکن اب ہم خاموش نہیں بیٹھنے والے۔ ان کا کہنا تھا کہ ہم ہتھکڑیاں اور زنجیروں سے اب نہیں ڈرنے والے، اب ہم سڑکوں پر اترے ہیں تو اپنا حق لے کر رہیں گے۔
خواتین نے بتایا کہ انہوں نے شاہین پرندہ بناکر شاہین جذبوں کا اعلان کیا ہے کہ وہ کسی بھی حال میں پیچھے ہٹنے والی نہیں ہیں۔ ساتھ ہی ان کا کہنا ہے کہ یہاں ہم نے خاموش احتجاج کرتے ہوئے دہلی کی شاہین باغ بہنوں کے ساتھ اپنا احتجاج درج کرایا ہے۔