وزیراعظم مودی اورنگ آباد کا دورہ کریں گے

وزیراعظم نریندر مودی دہلی ۔ ممبئی صنعتی گلیارے (ڈی ایم آئی سی) کے تحت اعلی درجہ کے جدید اورنگ آباد صنعتی شہر (اے یو آر آئی سی) کے پہلے مرحلے کو قوم کو وقف کرنے کے لئے سات ستمبر کو یہاں آئیں گے۔

مودی کے وزیراعظم بننے کے بعد اورنگ آباد کا یہ دوسرا دورہ ہوگا۔ وہ سال 2014 میں ریاستی اسمبلی کے انتخابات کے دوران پہلی بار یہاں آئے تھے۔ سرکاری ذرائع نے اتوار کو بتایا کہ اس موقع پر وزیراعلی دیویندر فڑنویس، مرکزی اور ریاستی وزرا بھی موجود ہوں گے۔

ذرائع کے مطابق ضلع انتظامیہ نے وزیراعظم کے دورے کے سلسلے میں پوری تیاری کر لی ہے اور محکمہ محصول اور ضلع کونسل کے اعلی افسران کو ہیڈکوارٹر میں رہنے کے احکامات دیئے گئے ہیں۔

شہر کے پولس کمشنر چرنجیو پرساد، پولس سپرٹنڈنٹ موچدا پاٹل، ضلع کلکٹر ادے چودھری اور دیگر اعلی افسران نے جمعہ کو پروگرام کی جگہ کا دورہ کیا تھا۔