Imtiaz Jaleel Will Meet CM Uddhav Thackeray: رکن پارلیمان امتیاز جلیل، وزیراعلی ادھو ٹھاکرے سے ملاقات کریں گے

ایم آئی ایم رکن پارلیمان سید امتیاز نے اتحاد کی پیشکش کی، جس کے بعد مہاراشٹر ریاست کا سیاسی پارہ گرما گیا ہے۔ وزیراعلی ادھو ٹھاکرے کی سخت نکتہ چینی کے باوجود ایم آئی ایم اتحاد کے لیے پرامید ہے۔

مہا وکاس اگھاڑی کو اتحاد کی پیشکش کرکے ریاست کا سیاسی پارہ گرم کرنے والے رکن پارلیمان سید امتیاز جلیل سیاسی مخالفین کی سخت نکتہ چینیوں کے باوجود اس بات پر ڈٹے ہیں کہ وہ اس معاملے میں سیکولر پارٹیوں کی اعلی قیادت سے بات کرینگے۔

واضح رہے کہ شیو سینا نے ایم آئی ایم کو مہا وکاس اگھاڑی میں شامل کرنے سے انکار کردیا ہے ، وزیراعلی نے بھی سخت ردعمل ظاہر کیا ہے، ان سب کے باوجود امتیاز جلیل کا کہنا ہیکہ بات چیت کے دروازے ابھی بند نہیں ہوئے ہیں ، ایم پی جلیل نے شرد پوار سے بھی ملاقات کا اشارہ دیا ہے۔