مجلس اتحاد المسلمین کا مہاراشٹر حکومت کو انتباہ

اورنگ آباد سے مجلس اتحاد المسلمین کے رکن پاترلیمان امتیاز جلیل نے ریاستی حکومت سے مطالبہ کیا ہے کہ مذہبی مقامات کو فوری مشروط طور پر کھولا جائے۔ امتیاز جلیل نے دو ستمبر کو مسجد میں اجتماعی نماز ادا کرنے کا الٹی میٹم بھی دیا ہے۔

امتیاز جلیل نے ریاستی حکومت سے تمام مذہبی مقامات کو کھولنے کا مطالبہ کیا ہے، امتیاز جلیل کا کہنا ہے کہ ایک ستمبر مہاراشٹر کے لیے کافی اہم دن ہے کیونکہ ایک ستمبر کو گنیش وسرجن ہے۔

امتیاز جلیل نے ہندو برادران سے اپیل کی ہے کہ وہ گنیش وسرجن کے موقع پر مندروں کو کھول دیں، اسی طرح مسلمان دو ستمبر کو مساجد کھول دیں گے، رکن پارلیمان نے کہا کہ وہ خود مساجد کھولنے کی قیادت کریں گے اور اورنگ آباد کے شاہ گنج مسجد میں اجتماعی نماز ادا کی جائے گی۔

امتیاز جلیل نے ریاستی حکومت کو انتباہ دیا کہ اگر کچھ ہوتا ہے تو حکومت ذمہ دار رہے گی۔ ٹکراؤ سے بچنے کے لیے فوری مذہبی مقامات کو مشروط طریقہ سے کھول دیا جائے۔