اورنگ آباد: منشی پریم چند کی یاد میں ادبی نشست کا اہتمام

ریاست مہاراشٹر کے ضلع اورنگ آباد میں منشی پریم چند کے یوم پیدائش کے موقع پر ان کی یاد میں ادبی نشست کا اہتمام کیا گیا اورنگ آباد کے نوجوانوں نے اپنے افسانے پیش کرکے معروف قلم کاروں کی داد وتحسین حاصل کیں۔ نئے قلم کاروں کے ادبی ذوق کو پروان چڑھانا انجمن اہل قلم کا بنیادی مقصد ہے۔

اورنگ آباد شہر میں مایہ ناز ادیب و ناول نگار منشی پریم چند کی یاد میں ایک ادبی نشست ہوئی۔ اس ادبی نشست میں نوجوان افسانہ نگاروں نے اپنے افسانے پیش کیے۔

انجمن اہل قلم کے بینر کے تحت ہوئی اس نشست میں نوجوانوں نے جدید تقاضوں اور معاشرے میں اس کے اثرات پر ادبی انداز میں روشنی ڈالی۔

اس موقع پر معروف ادیب و افسانہ نگار عظیم راہی اور خالد احمد نے نوجوانوں کی اصلاح کی اور مستقبل کے لیے نیک خواہشات پیش کیں۔

واضح رہے کہ اورنگ آباد شہر میں انجمن اہل قلم کا مقصد نوجوانوں میں ادبی ذوق کو پروان چڑھانا ہے، جس کے مثبت اثرات مرتب ہورہے ہیں۔