اورنگ آباد میں عید میلادالنبی کا جلوس نہیں نکالا جائے گا

سیرت کمیٹی کے مطابق پولیس انتظامیہ نے علامتی جلوس کی اجازت دی ہے لیکن اس جلوس کے تقاضے پورے نہیں ہوتے ہیں۔ اس لئے اس سال شہر میں جلوس نہیں نکالا جائے گا۔

مہاراشٹر کے اورنگ آباد میں اس سال جلوس محمدی منسوخ کر دیا گیا ہے۔

شہر میں پچھلے تیس سال سے عید میلاد النبی کے موقع پر جلوس محمدی نکالنے کا رواج ہے، اس جلوس میں تمام طبقات کے لوگ شامل ہوتے ہیں لیکن اس سال کورونا وبا کے سبب جلوس محمدی کی اجازت نہیں دی گئی جس کی وجہ سے جلوس محمدی منسوخ کردیا گیا ہے۔

اس بات کی اطلاع سیرت کمیٹی کے کوآرڈینیٹر ڈاکٹر شیخ مرتضیٰ نے دی۔ انہوں نے کہا کہ پولیس انتظامیہ نے علامتی جلوس کی اجازت دی ہے لیکن اس سے جلوس کے تقاضے پورے نہیں ہوتے ہیں۔ اس لئے اس سال شہر میں جلوس نہیں نکالا جائے گا۔

پولیس کمشنر ڈاکٹر نکھل گپتا نے شہریان سے پرامن طریقے پر تہوار منانے کی اپیل کی ہے۔