گنیش اتسو اور محرم کو لیکر ضلع انتظامیہ کی میٹنگ

ریاست مہاراشٹر کے ضلع اورنگ آباد میں کورونا وبا کے دوران گنیش اتسو اور محرم منانے کے تعلق سے اورنگ آباد ضلع کلکٹر آفس میں ارکان پارلیمان اور اعلی سرکاری حکام کی میٹنگ ہوئی۔

کورونا وبا کے دوران گنیش اتسو اور محرم کیسے منایا جائے اس تعلق سے اورنگ آباد ضلع کلکٹر آفس میں ارکان پارلیمان اور اعلی سرکاری حکام کی میٹنگ ہوئی۔ اس میٹنگ میں کئی مدعوں پر تفصیلی بات چیت کی گئی۔

میٹنگ میں طے پایا کہ ایک بستی میں صرف ایک گنیش کی مورتی رکھی جائے گی اور مقامی سطح پر ہی گنیش وسرجن کیا جائیگا۔ میٹنگ میں پلازمہ تھیراپی کے معاملے میں برتی جا رہی جانبداری پر بھی عوامی نمائندوں نے آواز اٹھائی۔

میٹنگ میں شامل افراد

واضح رہے کہ گنیش اتسو مہاراشٹر کا سب سے بڑا تہوار مانا جاتا ہے، اس لیے ضلع انتظامیہ بھیڑ بھاڑ کو روکنے کے لیے ہر ممکن اقدام اٹھانا چاہتا ہے۔ اسی طرح محرم کے تعلق سے بھی جلد ہی گائیڈ لائن جاری کی جائے گی۔