اورنگ آباد: لاک ڈاؤن میں مزید رعایت کا مطالبہ

ضلع اورنگ آباد کے کلکٹر دفتر میں سرکاری حکام اور عوامی نمائندوں کے ساتھ ضلع میں کورونا وائرس کے متعلق جائزہ میٹنگ کا انعقاد کیا گیا۔ جس میں سات بجے سے سات بجے تک کاروبار کرنے کی اجازت دیے جانے کا مطالبہ کیا گیا۔

ریاست مہاراشٹر کے ضلع اورنگ آباد کے کلکٹر آفس میں عوامی نمائندوں اور سرکاری اعلیٰ حکام کی کورونا وائرس سے متعلق جائزہ میٹنگ منعقد کی گئی جس میں متعدد مسائل پر تبادلہ خیال کیا گیا۔

میٹنگ میں کہا گیا کہ شہر اور ضلع میں کورونا کے مریضوں کی تعداد میں نمایاں کمی واقع ہو رہی ہے، اس لیے شہریان کو لاک ڈاؤن سے کیسے راحت دی جاسکتی ہے اس مسئلے پر بھی غور کیا گیا۔

عوامی نمائندوں کا کہنا ہے کہ لاک ڈاؤن کے دوران صبح سات بجے سے شام سات بجے تک کاروباری طبقے کو اجازت ملنی چاہیے۔ لیکن انتظامیہ دوپہر دو بجے تک ہی اجازت دینے پر راضی ہے۔

واضح رہے کہ پچھلے دو مہینے سے مسلسل لاک ڈاؤن سے عوام میں برہمی بڑھتی جا رہی ہے۔ اس میٹنگ میں ایم آئی ایم کے رکن پارلیمان امتیاز جلیل شریک نہیں ہوئے۔