لاک ڈاؤن میں چھوٹ کے دوران بازاروں میں ہجوم

ریاستِ مہاراشٹر کے اورنگ آباد میں ضلع انتظامیہ کی جانب سے لاک ڈاؤن میں چھوٹ کے دوران بازاروں میں لوگوں کی خریداری کے لئے بھیڑ امڈ رہی ہے، جِس سے راستوں پر ٹریفک کا مسئلہ اور راستوں پر ہجوم دکھائی دے رہا ہے۔ اس سے حالات خراب ہونے کا اندیشہ جتایا جا رہا ہے اعلیٰ سرکاری افسران اپیل کی ہے کہ کورونا کو مات دینے کے لیے شہریان ہجوم سے دور رہیں۔

کورونا وبا میں کمی کے سبب اورنگ آباد شہر میں دو پہر دو بجے تک لاک ڈاؤن میں چھوٹ دی گئی ہے لیکن اس چھوٹ کے دوران شہر کے بازاروں میں بھیڑ بڑھتی جارہی ہے۔ راستوں پر بھی ٹریفک جام کا مسئلہ ہے۔

دو پہر دو بجے سے قبل تو شہر میں جیسے ہجوم امڈ رہا ہے۔ تاجر طبقہ لاک ڈاؤن میں چھوٹ کو ناکافی بتا رہا ہے جبکہ اعلی سرکاری حکام کا کہنا ہے کہ جیسے جیسے حالات نارمل ہونگے چھوٹ کے اوقات میں اضافہ کیا جائیگا۔ سرکاری حکام نے عوام سے اپیل کی کہ وہ ہجوم کا حصہ بننے سے بچیں کیونکہ یہ کورونا کو دعوت دینے کے مترادف ہے۔

لاک ڈاؤن میں چھوٹ کے دوران بازاروں میں امڈ رہی ہے بھیڑ