اس میٹنگ میں اورنگ آباد سے رکن پارلیمان امتیاز جلیل نے بھی شرکت کی، میٹنگ میں کثیر تعداد میں علماء کرام اور پولیس کے اعلی اہلکار موجود تھے۔
غور طلب ہے کہ عید الاضحی کے تعلق سے مہاراشٹر حکومت نے جو ہدایات جاری کی ہیں، اس پر مسلمانوں نے شدید ردعمل ظاہر کیا ہے۔
علما کا کہنا ہے کہ علامتی قربانی کا اسلام میں کوئی تصور نہیں ہے۔ اس لیے فوری اس ہدایت کو واپس لیا جائے یا پھر حکومت اپنے موقف کی وضاحت کرے۔
اس سلسلے میں ایم پی امتیاز جلیل کی موجودگی میں علما کرام نے پولیس کمشنر سے ملاقات کی اور قربانی کے تعلق سے اپنے موقف کو بیان کیا۔ میٹنگ میں تمام معاملوں پر تبادلہ خیال کیا گیا۔
میٹنگ میں علما نے مساجد اور عید گاہ کو نماز کے لیے کھولنے کا مطالبہ کیا۔ ساتھ ہی جانوروں کی خریداری کے لیے مختلف مقامات پر چھوٹے بازار کی اجازت مانگی۔ ایم پی امتیاز جلیل نے دبے الفاظ میں یہ بھی کہا کہ تہواروں کے موقع پر پولیس ٹکراؤ کا راستہ نہ اپنائے تو بہتر ہوگا۔