اورنگ آباد: ان لاک ون میں بھی دعا فاؤنڈیشن کی خدمت جاری

عالمی وبا کورونا وائرس کے پھیلاؤ کو روکنے کے لیے مرحلہ وار لاک ڈاؤن نافذ کیا گیا ہے، جس کی وجہ سے بڑے پیمانے پر لوگوں کے روزگار اور عام زندگی متاثر ہوئی ہے، تاہم فلاحی تنظیمیں لوگوں کی ضروریات پورا کر رہی ہے۔

ریاست مہاراشٹر کے شہر اورنگ آباد کا شمار ریڈ زون شہر میں ہے جہاں تمام طرح کی معاشی سرگرمیاں پوری طرح متاثر ہیں، جس کی وجہ سے لوگوں کو کھانے کے لالے پڑ چکے ہیں، تاہم شہر کی فلاحی تنظمیوں اور نوجوانوں کی محنت کے سبب کمیونٹی کچن لوگوں کی بھوک مٹانے کا ذریعہ ثابت ہورہا ہے۔

اسی طرح فلاحی خدمات انجام دینے والی ایک تنظیم سے ای ٹی وی بھارت نے خصوصی بات چیت کی۔ اس موقعے پر تنظیم کے ذمہداران نے کہا کہ' وہ لوگ پہلے ضرورت مندوں کا پتہ لگاتے ہیں پھر ان تک کھانا، دوا اور دیگر ضروری اشیاء پہنچاتے ہیں'۔