یوگی حکومت کو برخاست کرنے کا مطالبہ

ریاست مہاراشٹر کے اورنگ آباد میں ڈاکٹر بابا صاحب امبیڈکر کے مجسمے کے سامنے کانگریس نے ستیہ گرہ کرتے ہوئے احتجاج کیا۔

اس ستیہ گرہ نما احتجاج کے دوران کانگریس نے اتر پردیش کی یوگی اور مرکزی حکومت کو فوری برخاست کرنے کا مطالبہ کیا۔

کانگریس نے مزید کہا کہ ہاتھرس ملزمین کو فوری پھانسی کی سزا دینی چاہیے۔

گزشتہ دنوں اتر پردیش کے ضلع ہاتھرس میں جنسی زیادتی کے واقعہ کے خلاف کانگریس نے ریاستی سطح پر ستیہ گرہ شروع کی ہے جس کے تحت اورنگ آباد میں بھی اس کے کارکنان نے بھٹرکل گیٹ پر ڈاکٹر بابا صاحب امبیڈکر کے مجسمے کے احتجاجی دھرنا دیا۔

اس موقع پر کانگریس کے ضلعی صدر نے راہل گاندھی کے ساتھ اتر پردیش پولیس کی بدتمیزی کی مذمت کی۔ اس کے علاوہ کانگریس نے فوری طور پر یوگی حکومت اور مودی حکومت کو برخاست کرنے کا مطالبہ کیا۔

انہوں نے الزام عائد کیا کہ 'جمہوری ملک میں جمہوری قدروں کو پامال کیا جا رہا ہے اور حکم شاہی کو نافذ کیا جا رہا ہے کانگریس نے ہاتھرس کے ملزمین کو پھانسی دینے کا مطالبہ کیا ہے۔