'بابری مسجد کو مسمار کرنے والوں کو کلین چِٹ، انصاف کا قتل'

کُل جماعتی فیڈریشن مسلم نمائندہ کونسل نے اورنگ آباد ڈویژنل کمشنر کے توسط سے صدر جمہوریہ کو ایک مکتوب روانہ کیا ہے۔

ریاست مہاراشٹر کے ضلع اورنگ آباد میں کُل جماعتی فیڈریشن مسلم نمائندہ کونسل نے بذریعہ ڈیویژنل کمشنر صدر جمہوریہ کو ایک مکتوب روانہ کیا۔ اس مکتوب میں بابری مسجد انہدام فیصلے پر سوال اٹھایا گیا اور کہا گیا کہ' بابری مسجد انہدام کے ملزمان کو کلین چٹ دیا جانا گویا انصاف کا قتل ہے۔

کونسل کے صدر ضیاء الدین صدیقی کا کہنا ہے کہ' عدالتوں سے اس طرح کے فیصلے صادر ہوں گے تو ملک کو جنگل راج میں بدلتے وقت نہیں لگے گا اور مجرموں کو کھلی چھٹی مل جائے گی۔ کونسل نے مطالبہ کیا ہے کہ' انصاف کے تقاضے کو پورا کیا جائے ورنہ ملک تباہی کے دہانے پر پہنچ جائے گا۔

بابری مسجد انہدام کے ملزمان کو کلین چیٹ، انصاف کا قتل