گرینیڈ پھٹنے سے طلبا زخمی

ریاست جموں و کشمیر کے ضلع کولگام کے دمحال، ہانجی پورا کے گورنمنٹ مڈل اسکول کے دو طلبہ گرینیڈ کو کھلونہ سمجھ کر کھیل رہے تھے۔

طلبا گرینیڈ کو کھلونہ سمجھ کر کھیل رہے تھے اسی اثنا میں اچانک پھٹ پڑا جس سے باعث دونوں زخمی ہوگئے۔

زخمیوں کی شناخت12 سالہ شاہد اور11 سالہ اخلاق کے بطور ہوئی ہے۔

متاثرہ طلبا شاہد احمد تانترے اور اخلاق احمد سگے بھائی ہیں اور گورمنٹ مڈل اسکول میں زیر تعلیم ہیں۔

زخمیوں کو علاج ومعالجے کے لئے فوری طور نزدیکی پرائیمری ہیلتھ سینٹر دمہال منتقل کیا گیا جہاں سے اخلاق کو مزید علاج کے لئے ضلع ہسپتال کولگام منتقل کیا گیا۔پرائمری ہیلتھ سینٹر دمہال کے ایک ڈاکٹر نے بتایا کہ شیل پھٹ جانے سے شاہد کے ہاتھ کو زخم لگے ہیں جبکہ اخلاق کا چہرہ زخمی ہوا ہے۔دریں اثنا ایک پولیس آفیسر نے واقعے کی تصدیق کرتے ہوئے کہا کہ پولیس اس سلسلے میں کیس درج کرکے تحقیقات شروع کر دی ہے۔