کوکرناگ:جنوبی ضلع اننت ناگ کے کوکرناگ اور صوبہ جموں کے ضلع کشتواڑ کے مڑواہ کے درمیان سفید چادر سے ڈھکے مرگن ٹاپ رابطہ سڑک پر برف ہٹانے کا کام ریکارڈ وقت میں ٹاپ تک مکمل کیا گیا ہے۔Margan Top snow Clearance Completed برف صاف کرنے کی ابتدائی مرحلے اور مختلف محکموں کے درمیان تال میل کی وجہ سے مرگن ٹاپ تک سڑک پر برف صاف کرنے کا کام ریکارڈ وقت میں مکمل کیا گیا ہے۔
مرگن ٹاپ رابطہ سڑک پر ریکارڈ وقت میں برف ہٹا دی گئی
ڈپٹی کمشنر اننت ناگ ڈاکٹر پیوش سنگلا کے مطابق مکینیکل انجینئرنگ اور پی ایم جی ایس وائی محکموں کی انتھک کوششوں کے نتیجے میں رابطہ سڑک سے برف جلد ہی ہٹائی گئی ہے۔ انہوں نے کہا کہ کلیئرنس آپریشن عام طور پر اپریل میں شروع ہو جاتی ہے لیکن اس سال کلیئرنس مارچ کے اختتام سے پہلے مکمل کر لی گئی ہے۔
ایس ڈی ایم کوکرناگ نے کہا کہ وہ مڑواہ میں اپنے ہم منصب کے ساتھ رابطے میں ہیں اور جلد ہی واڑون جانے والی رابطہ سڑک کو لوگوں کی آمد و رفت کے لئے کھول دیا جائے گا۔
