اولڈ پینشن اسکیم بحال کرنے کا مطالبہ

جنوبی کشمیر کے ضلع اننت ناگ میں آل نیو پینشن ایمپلائز یونائیٹڈ فرنٹ کے بینر تلے سرکاری ملازمین کی ایک پریس کانفرنس منعقد ہوئی ہے۔

اننت ناگ میں آل نیو پینشن ایمپلائز یونائیٹڈ فرنٹ کے بینر تلے سرکاری ملازمین کی ایک پریس کانفرنس منعقد ہوئی۔ پریس کانفرنس میں سرکاری ملازمین نے جموں و کشمیر لیفٹیننٹ گورنر منوج سنہا سے نیو پینشن اسکیم کے بجائے اولڈ پینشن اسکیم بحال کرنے کی اپیل کی ہے۔

ملازمین کے مطابق نیو پینشن اسکیم ملازم مخالف پالیسی کا نتیجہ ہے جس کی پہلے سے ملازمین مخالفت کرتے آئے ہیں۔ ملازمین کے مطابق جموں و کشمیر حکومت نے سنہ 2010 میں نیو پینشن اسکیم نافذ کی ہے۔

پرس کانفرنس میں ملازمین نے کہا کہ یو ٹی انتظامیہ کو اولڈ پینشن اسکیم کو ختم کر کے سرکاری ملازمین کے ساتھ انصاف کرنا چاہیے۔ ملازمین کے مطابق پینشن سرکاری ملازم کو بڑھاپے کا سہارا ہوتا ہے۔ اس سہارے کو چھین لینا ملازمین کے ساتھ ناانصافی ہے۔

ملازمین نے لفٹیننٹ گورنر سے اپیل کرتے ہوئے کہا کہ ملازمین کی اس جائز مانگ کو جلد سے عملی جامہ پہنیا جائے تاکہ ملازم اپنے فرائض کو تند دہی سے انجام دیں۔