Shortage of Drinking Water in Raj Bhat: راج بٹ محلہ میں پینے کے صاف پانی کی عدم دستیابی سے لوگ پریشان

لوگوں کا کہنا ہے کہ اگرچہ علاقے میں گزشتہ کئی دہائیوں قبل محکمۂ جل شکتی Jal Shakti Department نے ایک منصوبہ کے تحت پائپ لائن بچھائی تھی، تاہم علاقے کے لوگوں کو مذکورہ پائپ لائنوں سے کبھی کبھار ہی پینے کا صاف پانی فراہم کیا جاتا ہے، لوگوں کا کہنا ہے کہ راج بٹ محلہ اور اس سے ملحقہ دیگر کئی علاقوں کی خواتین کو دور جدید میں بھی کافی مسافت طے کر کے چشمے سے پانی حاصل کرنا پڑ رہا ہے Shortage of Drinking Water۔

جنوبی ضلع اننت ناگ کے کوکرناگ سے تقریباً 7 کلومیٹر کی دوری پر واقع بٹ محلہ سن براری کے لوگوں نے شکایت کی ہے کہ مذکورہ علاقے کے لوگ پینے کے صاف پانی کی عدم دستیابی Shortage of Drinking Water کو لے کر کئی دہائیوں سے مشکلات کا سامنا کر رہے ہیں، اگرچہ محکمۂ جل شکتی Jal Shakti Department نے علاقے میں کئی سال قبل ایک منصوبے کے تحت پانی کی پائپ لائن نصب کی تھی، تاہم مذکورہ پائپ لائن سے پانی کبھی کبھار ہی آتا ہے، جس کی وجہ سے مقامی لوگ گزشتہ کئی دہائیوں سے شدید مشکلات کا سامنا کر رہے ہیں۔

250 کنبوں پر مشتمل راج بٹ محلہ کے لوگوں کا کہنا ہے کہ انہیں نہ صرف برف باری کے ایام میں پینے کے صاف پانی کی عدم دستیابی کا سامنا کرنا پڑتا ہے، بلکہ موسم گرما میں بھی مذکورہ علاقے کے چشمے سوکھ جانے کے نتیجے میں مقامی لوگ مختلف ندی نالوں کا آلودہ پانی پینے کے لیے مجبور ہوتے ہیں۔

لوگوں کا کہنا ہے کہ اگرچہ علاقے میں گزشتہ کئی دہائیوں قبل محکمۂ جل شکتی نے ایک منصوبہ کے تحت پائپ لائن بچھائی تھی، تاہم علاقے کے لوگوں کو مذکورہ پائپ لائنوں سے کبھی کبھار ہی پینے کا صاف پانی فراہم کیا جاتا ہے، لوگوں کا کہنا ہے کہ راج بٹ محلہ اور اس سے ملحقہ دیگر کئی علاقوں کی خواتین کو دور جدید میں بھی کافی مسافت طے کر کے اسی چشمے سے پانی حاصل کرنا پڑ رہا ہے۔

مقامی لوگوں کا کہنا ہے کہ مذکورہ پہاڑی علاقے میں برفباری کافی زیادہ ہوتی ہے تو اُس دوران مقامی خواتین اپنے گھروں میں ہی رہنے کو ترجیح دیتی ہیں، جس کے باعث علاقے کے مرد حضرات کو پینے کے صاف پانی کے لیے دور دراز علاقوں کا رخ کرنا پڑتا ہے، جبکہ برف باری کے ایام میں لوگوں کا چلنا پھرنا بھی محال ہوجاتا ہے، انہوں نے کہا کہ پانی حاصل کرنے کے عمل میں کئی لوگوں کو چوٹیں بھی آئی ہیں، ان کا کہنا ہے کہ اگرچہ کئی بار مقامی سرپنچ اور محکمۂ جل شکتی کے عہدیداروں کو ان مشکلات کی بابت مطلع کیا جاچکا ہے، تاہم آج تک ان کے اس مطالبے پر کسی نے غور نہیں کیا۔

ای ٹی وی بھارت نے فون پر جب یہ معاملہ اسسٹنٹ ایگزیکٹو انجینئر محمد ایوب کی نوٹس میں لایا تو انہوں نے کہا کہ وہ ایک ٹیم تشکیل دے کر مذکورہ علاقے کا جائزہ لیں گے اور ٹیم وہاں جاکر لوگوں کو پینے کے صاف پانی کی عدم دستیابی سے متعلق معلومات حاصل کر کے کوئی خاطر خواہ اقدامات اٹھائیں گے۔ انہوں نے نمائندے کو یقین دلایا کہ محکمۂ جل شکتی دو تین روز کے اندر مذکورہ گاؤں کی عوام کی مشکلات کو دور کرنے لیے بہتر اقدامات اٹھائی گی، تاکہ لوگوں کی مشکلات کا ازالہ ممکن ہو سکے۔