ترال میں واقع گورنمنٹ اپر پرائمری اسکول گترو کے میں اساتذہ اور مناسب جگہ کی کمی کے پیش نظر مقامی آبادی نے احتجاج کر کے ناراضگی کا اظہار کیا۔
مقامی لوگوں نے بتایا کہ 120 طلبہ کو پڑھانے کے لیے محض پانچ اساتذہ ہیں حالانکہ کچھ وقت پہلے اے ڈی سی ترال کی کوششوں سے دو مزید اساتذہ کو یہاں لایا گیا تھا، لیکن انہیں جوائن ہی نہیں کرایا گیا۔
اساتذہ کی کمی کی وجہ سے طلبہ کی پڑھائی پر اثر پڑ رہا ہے۔ مقامی لوگوں نے بتایا کہ یہ ایک غریب علاقہ ہے اور لوگ اپنے بچوں کو پرائوٹ اداروں میں نہیں بھیج سکتے۔ ایسے میں انتظامیہ کو چاہیے کہ وہ ان بچوں کے مستقبل کی فکر کرے۔
مزید پڑھیں:جموں و کشمیر: آئی ایف جے کا صحافیوں کی جلد رہائی کا مطالبہ
مقامی ہیڈ ماسٹر مشتاق احمد آہنگر نے بتایا کہ انھوں نے محکمے کو اسکول میں درپیش مسائل سے متعلق مطلع کیا ہے لیکن اب تک کوئی کارروائی نہیں کی گئی جس کی وجہ سے اسکول کا نظام درہم برہم ہوکر رہ گیا ہے۔