'عام لوگوں کو چلنے پر بھی پابندی ، سب مودی کی مہربانی'

'بارہمولہ سے ادھم پور کو جوڑنے والی شاہراہ ہفتے میں دو دن عام لوگوں کے لیے بند رہے گی، یہ سب نریندر مودی کی مہربانیوں کا نتیجہ ہے'۔

آزاد امیدوار ڈاکٹر رضوانہ صنم نے جنوبی کشمیر کے ضلع اننت ناگ میں ایک پریس کانفرنس کر اپنا انتخابی منشور جاری کیا۔ پریس کانفرنس میں ڈاکٹر رضوانہ صنم نے جنوبی کشمیر میں تعمیر و ترقی اور بے روزگاری کو دور کرنے کا یقین دلایا۔

ڈاکٹر رضوانہ صنم نے بی جے پی پر الزام لگاتے ہوئے کہا کہ ریاست میں سڑکوں پر چلنے کی پابندی نریندر مودی کے سبب ہے۔

انہوں نے کہا کہ سابقہ حکومتوں نے ریاست کو تباہی اور بربادی کے سوا کچھ نہیں دیا اور اسکی آخری انتہا یہ ہے کہ اب ہمیں اپنی سڑکوں پر چلنے کی بھی اجازت نہیں،

انہوں نے مزید کہا کہ اب بارہمولہ سے ادھم پور تک ہفتے میں دو دن عام لوگوں کے چلنے پر پابندی ہوگی، یہ سب کچھ نریندر مودی کی مہربانیوں کا نتیجہ ہے'۔