اننت ناگ: ناقص ڈرینیج سسٹم کے سبب عوام پریشان

جنوبی کشمیر کے ضلع اننت ناگ کے پراچین دیوی بل مندر کے ارد گرد ماقص ڈرینیج سسٹم کی وجہ سے اکثر و بیشتر مندر و اس سے متسل مسجد کے راستے پر پانی جمع رہتا ہے۔

اننت ناگ کے پراچین دیوی بل مندر کے اردگرد ناقص ڈرینیج سسٹم کی وجہ سے اکثر و بیشتر مندر و اس سے متسل مسجد کے راستے پر پانی جمع رہتا ہے۔

مقامی لوگوں کے مطابق پانی جمع ہونے سے مندر اور مسجد میں داخل ہونے میں عوام کو کافی مشکلات کا سامنا کرنا پڑتا ہے۔

مقامی لوگوں کے مطابق بارشوں کے دوران اکثر یہ پانی مندر کے اندر بھی چلا جاتا ہے۔
لوگوں کے مطابق انہوں نے بارہا یہ مسئلہ ضلع حکام کی نوٹس میں لایا لیکن اس کے باوجود بھی یہ مسئلہ اب تک حل طلب نہیں ہوا ہے۔

لوگوں کا کہنا ہے کہ ڈرینج کی صحیح نکاسی نہ ہونے سے نہ صرف تاریخی مندر بلکہ مسجد کو بھی خطرہ لاحق ہوگیا ہے۔

عقیدت مندوں نے ضلع انتظامیہ اور لیفٹننٹ گورنر سے معاملے میں مداخلت کی اپیل کی۔

دوسری جانب میونسپل کونسل کے صدر نے ای ٹی وی بھارت سے بات کرتے ہوئے کہا کہ تین ماہ پہلے میونسپل کونسل کی جانب سے محکمہ تعمیرات عامہ کو اس کے بارے میں آگاہ کیا گیا ہے۔

کونسل کے صدر بلال احمد شاہ نے اپنے بیان میں اس کو محکمہ تعمیرات عامہ کی ناقص کارکردگی سے تعبیر کیا ہے۔