اننت ناگ: گرین کالونی گانجی واڑہ میں عوام کا احتجاج

ضلع اننت ناگ کے گرین کالونی گانجی واڑہ کی خواتین نے بائی پاس سڑک پر احتجاجاً راستہ روک دیا۔جس کے سبب کافی دیر تک سواریوں کی نقل و حمل متاثر رہی۔

ان احتجاجی خواتین کا الزام ہے کہ ان کے علاقے میں موجود نالے کے پاس غیر قانونی تعمیرات جاری ہیں۔ ان تعمیرات کی وجہ سے بارش کے دوران بستی کو سیلاب آنے کا خدشہ ہے ۔جس کی وجہ سے علاقے کی کثیر آبادی کو خطرہ لاحق ہے ۔

پولیس نے مقام پر پہنچ کر احتجاجیوں کو ان کے مسائل حل کرنے کی یقین دہانی کرائی جس کے بعد یہ احتجاج ختم کیا گیا۔