NCC Outreach Program اننت ناگ میں این سی سی آوٹ ریچ پروگرام

اننت ناگ میں این سی سی آوٹ ریچ پروگرام کا اہتمام کیا گیا۔ NCC Outreach Program in Anantnag

اننت ناگ: جموں و کشمیر کے ضلع اننت ناگ میں این سی سی آوٹ ریچ پروگرام کا انعقاد کیا گیا جس کی صدارت جموں و کشمیر لداخ این سی سی ایڈیشنل ڈائریکٹر جنرل تیجندر کمار نے کی۔ میجر تیجندر کمار نے کہا کہ فوج اور دیگر خدمات میں شامل ہونے کے خواہشمند نوجوانوں کے لیے این سی سی ایک سیڑھی ثابت ہو سکتا ہے، جب کہ سماج اور ملک کی مثبت تعمیر میں بھی این سی سی نمایاں کردار ادا کر سکتا ہے۔

تیجندر کمار نے کہا کہ نوجوانوں میں نظم و ضبط پیدا کرنے کے لیے این سی سی ایک اہم رول ادا کر سکتا ہے ۔ آئندہ دنوں میں جنوبی کشمیر کے نوجوانوں کو ان کے ہی علاقے میں این سی سی کی تربیت دی جائے گی۔ جس کے لئے مختلف مقامات پر کیمپ کا انعقاد کیا جائے گا۔ NCC Outreach Programme in Anantnag

اننت ناگ میں این سی سی آوٹ ریچ پروگرام کے بعد تیجندر کمار نے ای ٹی وی بھارت کے ساتھ بات چیت کی ۔اس موقع پر ان کے ہمراہ گروپ کمانڈر بریگیڈیئر کانسی، ایڈیشنل ڈی سی اننت ناگ گلزار احمد، مختلف کالجوں اور اسکولوں کے سربراہان بھی موجود رہے ۔پروگرام میں این سی سی سے جڑے مختلف امور پر تبادلہ خیال ہوا ۔