Nasha Mukt Rally ڈورو سادی واڑہ میں نشہ مکت ریلی کا اہتمام

نشہ مکت بھارت پروگرام کے تحت جنوبی ضلع اننت ناگ کے سادی واڈہ علاقے میں ایک بیداری ریلی نکالی گئی۔ Nasha Mukt Rally at Sadiwara Dooru

ڈورو سادی واڑہ: جموں و کشمیر کے جنوبی ضلع اننت ناگ کے سادی واڈہ علاقے میں نشہ مکت بھارت پروگرام کے تحت ایک بیداری ریلی نکالی گئی ۔ اس ریلی کا انعقاد پنچائیت کمیٹی و مقامی اسکولوں نے کیا تھا۔اس موقع پر مقررین نے نشیلی چیزوں کے مضر اثرات اور اس کے پھیلاؤ پر مفصل روشنی ڈالی ۔ Nasha Mukt Rally at Sadiwara Dooru

پروگرام کے آخر پر ایک بیداری ریلی نکالی گئی جس میں اسکولی بچوں، آنگن واڑی ورکروں و دیگر رضاکاروں نے شرکت کی۔ریلی میں شامل لوگوں نے ہاتھوں میں پلے کارڈز اٹھا رکھے تھے جس پر نشیلی چیزوں کے حوالے سے تحریر درج تھی۔ Nasha Mukt Rally at Sadiwara Dooru

مقامی سرپنچ ایڈووکیٹ فاروق احمد گنائی کا کہنا تھا کہ منشیات کا کاروبار کشمیر میں بڑی تیزی کے ساتھ پھیل رہا ہے اور اگر اس پر فوری روک نہ لگائی گئی تو اس کے کافی خطرناک نتائج سامنے آئیں گے۔ انہوں نے والدین سے تلقین کی کہ وہ بچوں کو اس ناسور سے بچانے کیلئے اپنی کوششیں جاری رکھیں۔ Nasha Mukt Rally at Sadiwara Dooru