اچھہ بل میں پنڈتوں نے ماتا بدری کالی مورتی استھاپن دیوس منایا

جنوبی کشمیر کے ضلع اننت ناگ کے اچھہ بل کے رانی پورہ میں پنڈتوں نے ماتا بدری کالی مورتی استھاپن دیوس منایا۔ اس موقع پر وادی سے باہر سے آئے ہوئے پنڈتوں نے بھی حصہ لیا۔

اس موقع پر مندر میں ہون اور لنگر کا بھی اہتمام کیا گیا ہے، ساتھ ہی بدری کالی مندر کو خوب سجایا گیا ہے۔ پنڈتوں نے اس موقع پر مندر میں بھجن بھی گایا ہے۔

ماتا بدری کالی مورتی استھاپن دیوس کے موقع پر لوگوں نے ہندو مسلم بھائی چارے پر اپنے تاثرات کا اظہار کرتے ہوئے کہا کہ جموں وکشمیر کی ریت کے مطابق رانی پورہ میں مسلمان برادری سے تعلق رکھنے والے لوگ پنڈتوں کے سکھ دکھ میں شامل رہتے ہیں۔

پنڈتوں کے مطابق چاہے مسلمانوں کا تہوار ہو یا ہندوؤں کا کوئی تہوار ، مقامی لوگ ایک دوسرے کی خوشیوں میں ہمیشہ شامل ہوتے ہیں۔

پنڈتوں کا کہنا ہے کہ کشمیر میں پنڈتوں اور مسلمانوں کا بھائی چارے کی مثال دنیا میں اور کہی بھی دیکھنے کو نہیں مل رہا ہے۔

واضح رہے آج اس استھاپن مورتی دیوس کے موقع پر وادی کشمیر کے اطراف و اکناف سے پنڈت برادری نے اچھہ بل میں شرکت کی ہیں وہیں مقامی مسلمانوں نے پنڈتوں کو اس مبارک دن پر مبارک باد پیش کی ہے۔