چیکنگ کے دوران علاقے کے دوکانداروں سے پولی تھین ضبط کیا گیا وہیں محکمہ مال کے افسران نے منافہ خور دکانداروں سے جرمانہ بھی عائد کیا ۔
بجبہاڑہ میں مارکیٹ چیکنگ
گراں فروشی کو اعتدال پر رکھنے کے لیے حلقہ انتخاب بجبہاڑہ کے ایس ڈی ایم بجبہاڑہ نے تحصیلدار بجبہاڑہ کو مارکیٹ چیکینگ کے لیے ایک حکم نامہ جاری کیا، جس کے بعد تحصیلدار بجبہاڑہ غلام رسول نے مختلف محکموں کے ساتھ مل کر چیکنگ کی۔
اس حوالے سے تحصیلدار بجبہاڑہ نے ای ٹی وی بھارت کے نمائدے کو تفصیلات فراہم کرتے ہوِئے کہا کہ محکمہ مال کو شکایتیں موصول ہو رہی تھی کہ بجبہاڑہ میں گراں فروشی کا بازار عروج پر ہے، جبکہ تجارت سے منسلک کئی دکاندار زائد المیعاد چیزیں فروخت کرنے میں مصروف عمل ہیں۔
چونکہ مقامی لوگوں کی شکایت موصول ہوتے ہی محکمہ مال کے افسران حرکت میں آگئے اور گزشتہ کئی دنوں سے بجبہاڑہ اور اس وابستہ کئی بازاروں کا متعلقہ محکموں نے دوراہ کیا۔
اس دوران انہوں نے کئی دکانداروں کے خلاف جرمانہ بھی عائد کیا گیا ،جبکہ زائد المعیار چیزوں کو متعلقہ محکموں نے جلا کر ضائع کیا۔