دیوالی کے موقع پر لیفٹیننٹ جنرل ڈی پی پانڈے کی عام لوگوں سے ملاقات

جموں و کشمیر کے ضلع شوپیان میں دیوالی کے موقع پر لیفٹیننٹ جنرل ڈی پی پانڈے نے عام لوگوں سے ملاقات کی۔

دیوالی کے موقع پر ضلع شوپیان میں فوج کے 15 کور کمانڈر ڈی پی پانڈے نے عام لوگوں میں مٹھائیاں تقسیم کیں اور نوجوانوں سے بات چیت کی۔

لیفٹیننٹ جنرل ڈی پی پانڈے نے آج اچانک ضلع شوپیان کا دورہ کیا۔ اس دوران انہوں نے بٹہ پورہ چوک کی مصروف ترین سڑک پر چہل قدمی کی اور لوگوں کو دیوالی کی مبارکباد دی۔ انہوں نے اپنے دورہ کے دوران عوامی رائے جاننے کی کوشش کی اور نوجوان سے تبادلہ خیال کیا۔

انہوں نے بازار میں واقع متعدد دکانوں کا بھی دورہ کیا اور مختلف عمر کے لوگوں سے بات چیت کی۔ انہوں نے دکانداروں میں مٹھائی تقسیم اور نوجوانوں کے ساتھ سیلفی بھی لی۔