اننت ناگ: دوکانیں بند ہونے سے معمولات زندگی متاثر

جموں و کشمیر میں کاروباری سرگرمیاں دوبارہ پٹری پر لوٹنے کے بعد آج اننت ناگ میں اچانک دکانیں بند ہوگئیں۔

یہاں کاروباری اداروں میں بھی سرگرمیاں پھر ایک بار معطل ہوگئیں۔ اس دوران معمولات زندگی دن بھر متاثر رہی۔ تاہم قصبہ کے بیرون علاقوں میں معمول کی زندگی بحال رہی۔

سڑکوں پر اگرچہ ٹریفک کی آمد و رفت بھی کچھ حد تک متاثر ہو گئی۔ دوپہر کے بعد نجی ٹریفک کی آمد و رفت میں اضافہ دیکھنے کو ملا۔

ادھر انتظامیہ نے لوگوں سے اپیل کی ہے کہ امن و قانون کے حوالے سے افواہوں پر دھیان نہ دیں۔ انتظامیہ کے مطابق ضلع میں حالات مکمل طور پر قابو میں ہیں اور امن و امان میں کسی بھی قسم کی رخنہ ڈالنے کی کوشش کو ناکام بنایا جائے گا۔