جموں کشمیر کے لیفٹیننٹ گورنر منوج سنہا نے ضلع اننت ناگ کا دورہ کیا۔ اس دوران انہوں نے کہا ہے کہ جموں کشمیر میں زمینی سطح پر مثبت تبدیلی کے آثار نمایاں ہیں۔ جبکہ نوجوانوں کو اس تبدیلی میں اپنا کلیدی رول ادا کرنا چاہیے۔
لیفٹیننٹ گورنر منوج سنہا نے اننت ناگ کا دورہ کیا اس موقع پر ان کے ہمراہ مشیر فاروق خان، آئی جی پی کشمیر وجے کمار، ڈی سی اننت ناگ کلدیپ کرشن سدھا و دیگر افسران تھے۔
یہ بھی پڑھیں: کنگن میں بیوپار منڈل کے انتخابات، ووٹنگ جاری
اس دوران انہوں نے معروف سریا مندر اور گوردوارے میں بھی حاضری دی اور وہاں پر پی ایم پیکیج ایمپلائز و دیگر وفود سے بھی ملاقات کی۔ جس کے بعد ایل جی نے اننت ناگ میں افسران کی اعلیٰ سطحی میٹنگ کی صدارت کی اور اس دوران انہوں نے 92 کروڑ کی لاگت والے کئی ترقیاتی منصبوں کا افتتاح کیا۔
ساتھ ہی اُنہوں نے افسران کو عوامی فلاح و بہبود کی خاطر اپنے آپ کو وقف کرنے کی ہدایت دی۔
