''جموں و کشمیر کا وزیراعلی بی جے پی کا ہوگا'

جنوبی کشمیر کے ضلع اننت ناگ میں بھارتیہ جنتا پارٹی نے ایک کنونشن منقعد کیا۔ کنونشن میں جموں و کشمیر بی جے پی کے صدر رویندر رینہ نے شرکت کی۔ ان کے ہمراہ پارٹی کے سینیئر لیڈران نے بھی پروگروم میں شرکت کی۔

اننت ناگ کے کھنہ بل ڈال بنگلو میں پارٹی کارکنوں کے ایک اجلاس سے خطاب کے بعد رویندر رینہ نے کہا کہ جموں کشمیر کا وزیراعلیٰ صرف بی جے پی کا ہوگا۔ انہوں نے جموں و کشمیر کے مجوزہ اسمبلی انتخابات میں کسی بھی طرح کے پری پول الائنس کو مسترد کر دیا ہے۔

رویندر رینہ نے کہا ہے کہ 'حد بندی کمشن بڑی تیزی سے کام کر رہا ہے اور انہیں یقین ہے کہ جموں و کشمیر میں 8 ماہ کے دوران اسمبلی انتخابات ہوں گے'۔
کنونشن میں پارٹی کے جنرل سکریٹری اشوک کول، نائب صدر صوفی محمد یوسف، رفيق وانی کے علاوہ دیگر لیڈران بھی موجود رہے۔

اس موقع پر وزیر اعظم نریندر مودی کے فلاحی پروگراموں کو گھر گھر پہنچانے کی لیڈران نے کارکنوں کو تلقین کی ہے۔

اس موقع پر رویندر رینہ نے افغانستان سے نیٹو افواج کے انخلا پر بھی تبصرہ کرتے ہوئے کہا کہ طالبان کے مظالم خطے میں مزید بڑھ گئے ہیں۔ انہوں نے کہا کہ دہشت گردی کے خلاف جنگ میں بھارت افغان فورسز کا ہر طرح کا تعاون کرے گا۔