Industrial Sector in Anantnag: اننت ناگ میں صنعتی شعبہ تباہی کے دہانے پر

ضلع اننت ناگ میں انڈسٹری Industrial Sector in Anantnag سے وابستہ چھوٹے چھوٹے بہت سے کارخانے ہیں جو مقامی نوجوانوں کے لیے روزگار کے اہم مواقع فراہم کرتے ہیں، لیکن گزشتہ تین برسوں سے وادی کے نامساعد حالات نے ان کارخانوں کو بند کرنے کے دہانے پر پہنچا دیا ہے۔

جموں و کشمیر کے ضلع اننت ناگ میں انڈسٹری Industrial Sector in Anantnag سے وابستہ چھوٹے چھوٹے بہت سے کارخانے ہیں۔ ضلع میں یہ کارخانے روزگار کے اہم ذرائع ہوتے ہیں۔ ان کارخانوں میں ہزاروں تعلیم یافتہ نوجوان کام کرتے ہیں لیکن، گزشتہ تین برسوں سے وادی کے نامساعد حالات نے ان کارخانوں کو بند کرنے کے دہانے پر پہنچا دیا ہے۔

کارخانوں میں تیار شدہ مال کے لیے بہتر مارکیٹ دستیاب نہ ہونے کی وجہ سے صنعتی شعبے کو کافی زیادہ نقصان پہنچ رہا ہے۔

انڈسٹری ایسوسی ایشن کے صدر بشیر احمد کا کہنا ہے کہ کارخانوں کی زمینی سطح پر کارکردگی کا جائزہ لینے کی ضرورت ہے کہ گزشتہ تین سے چار برسوں میں جموں و کشمیر کے پرانے کارخانوں کا آؤٹ پُٹ کیا رہا ہے۔

جموں و کشمیر میں تقریباً تین ہزار چھوٹے بڑے کارخانے ہیں لیکن دفعہ 370 کی منسوخی اور پھر کووڈ لاک ڈاؤن نے ان کارخانوں کی اقتصادی حالت اتنی زیادہ خراب کردی کہ اب وہ بند ہونے کے دہانے پر ہیں۔