اننت ناگ: فوج کی جانب سے پیر پنجال کی بلند پہاڑیوں پر پرچم کشائی

جموں وکشمیر کے دیگر اضلاع کی طرح ضلع اننت ناگ میں بھی 75ویں یوم آزادی کی تقریبات بڑے جوش و خروش کے ساتھ منعقد کی گئی۔

دیگر مقامات کی طرح اسکولوں سرکاری دفاتر اور ضلع صدور پر یوم آزادی کی تقاریب منعقد کی گئی اور پرچم کشائی کی گئی۔ وہیں فوج کی جانب سے پیر پنچال کے بلند پہاڑوں پر قومی پرچم لہرایا گیا، فوج کی 19 راشٹریہ رائفلز کی جانب سے ضلع کشتواڑ اور اننت ناگ کے حدود میں آنے والے سطح سمندر سے 12 ہزار سے زیادہ فُٹ کی بلندی پر واقع پیر پنجال کی خوبصورت اور بلند پہاڑیوں سنتھن ٹاپ اور مرگن ٹاپ پر، پرچم کشائی کی گئی۔

فوج کی جانب سے پیر پنجال کی بلند پہاڑیوں پر پرچم کشائی

فوج کی جانب سے پہلی بار ان بلند ترین مقامات پر پرچم کشائی کی گئی پرچم کشائی کے دوران فوجی جوانوں نے قومی ترانہ گایا، جن کی قیادت کمانڈنگ آفیسر کرنل منپریت کررہے تھے۔

فوج کی جانب سے پیر پنجال کی بلند پہاڑیوں پر پرچم کشائی

آپ کو بتادیں کہ مرگن ٹاپ سطح سمندر سے 12126 فٹ کی بلندی پر واقع ہے، جو اننت ناگ کو کشتواڑ کی وادی وارڈون سے جوڑتا ہے۔ وہیں سطح سمندر سے 12414 فُٹ کی بلندی پر واقع سنتھن ٹاپ ضلع اننت ناگ اور کشتواڑ کے درمیان واقع ایک برفیلا اور خوبصورت پہاڑ ہے ایک گلیشیئر ہونے کے ساتھ ساتھ یہ جگہ سیاحتی اعتبار سے کافی مقبول ہے۔