اسلامک یونیورسٹی آف ساٸنس و ٹیکنالوجی اونتی پورہ میں صوفی ازم کی اہمیت و افادیت کے حوالے سے ایک پروگرام کا اہتمام کیا گیا۔
جس میں اسلامک یونیورسٹی کے وائس چانسلر پروفیسر شکیل احمد رمشو کے علاوہ وادیٔ کشمیر کے مشہور و معروف علماء اکرام نے شرکت کی، جن میں شوکت حسین کینگ، ادیب و قلمکار عبدالمجید اندرابی، پروفسر لیلیٰ کے علاوہ دیگر عہدیداران اور طلبہ کی ایک بڑی تعداد نے شرکت کی۔
پروگرام کے دوران صوفیانہ موسیقی کا بھی اہتمام کیا گیا، جہاں وادی کے موسیقاروں نے صوفیوں کا کلام پیش کیا۔ اس موقع پر علماء اکرام نے تصوف کی اہمیت و افادیت پر مفصل روشنی ڈالی۔
انہوں نے کہا کہ دنیا کے ساتھ ساتھ آخرت کی کامیابی کے لیے تصوف کو بھی لازم پکڑنا ہوگا، کیونکہ صوفی ازم کی وجہ سے ہماری وادی میں اسلامی اقدار کو فروغ ملا ہے۔
میڈیا سے بات کرتے ہوئے اسلامک یونیورسٹی کے وائس چانسلر پروفیسر شکیل احمد رمشو نے بتایا کہ پورے جموں وکشمیر میں اس طرح کی تقریبات منعقد ہورہی ہے جس میں علماء اکرام نے تصوف کی افادیت کے موضوع پر روشنی ڈالی۔