اننت ناگ کے میر بازار میں فائرنگ

جنوبی کشمیر کے ضلع اننت ناک کے میر بازار قاضی گنڈ میں آج دوپہر عسکریت پسندوں نے بی ایس ایف کی ایک پارٹی پر فائرنگ کی ہے

تفصیلات کے مطابق عسکریت پسندوں نے سرینگر جموں قومی شاہراہ پر بی ایس ایف کی پارٹی پر اندھا دھند فائرنگ کی۔

بی ایس ایف اہلکاروں نے جوابی فائرنگ کی،جس کے بعد دونوں طرف سے فائرنگ کا سلسلہ شروع ہو گیا۔

کشمیر زون پولیس کے مطابق عسکریت پسندوں نے قومی شاہراہ پر بی ایس ایف کانوئی پر فائرنگ کی تاہم حملے میں کسی کے زخمی ہونے اطلاع نہیں ہے۔ پولیس اور سی آر پی ایف اور فوج کے سینیئر افسران موقع پر پہنچ گئے ہیں۔

ذرائع کے مطابق حملہ آور عسکریت پسند قریبی عمارت میں موجود ہیں جسے محاصرہ میں لیا گیا ہے۔ وہیں قومی شاہراہ کو آمدروفت کے لیے بند کر دیا گیا ہے ۔

علاقہ میں ابھی بھی فائرنگ کا سلسلہ جاری ہے۔

مزید تصیلات کا انتظار ہے۔