International Women's Day: عالمی یوم خواتین کے موقع پر گورنمنٹ ویمنس کالج اننت ناگ میں تقریب کا اہتمام

اننت ناگ کے گورنمنٹ ویمنس کالج میں عالمی یوم خواتین کے موقع پر منعقدہ تقریب میں خواتین کو سماج میں پھیل رہے مختلف جرائم خاص کر جنسی استحصال اور گھریلو تشدد کے خلاف کھڑے ہونے کی ضرورت پر زور دیا گیا۔

اننت ناگ کے گورنمنٹ ویمنز کالج میں عالمی یوم خواتین کے موقع پر ایک تقریب کا اہتمام کیا گیا۔ گورنمنٹ میڈیکل کالج اننت ناگ اور ڈسٹرکٹ لیگل سروسز اتھارٹی کے اشتراک سے منعقدہ اس پروگرام کے دوران خواتین کے حقوق کے علاوہ پی او سی ڈی و خواتین کو درپیش دیگر مسائل غور و خوض کیا گیا اور طالبات کو خصوصی جانکاری فراہم کی گئی۔

اس موقع پر خواتین کو سماج میں پھیل رہے مختلف جرائم خاص کر جنسی استحصال اور گھریلو تشدد کے خلاف کھڑے ہونےکی ضرورت پر زور دیا گیا۔ پروگرام میں کالج پرنسپل ڈاکٹر عرفان المجید اور لیگل سروسز اتھارٹی کے سکریٹری میر وجاہت کے علاوہ دیگر شخصیات نے شرکت کی۔

گھریلو تشدد و خواتین کے خلاف جرائم کی بڑھتی شرح پر تشویش کا اظہار کرتے ہوئے تمام متاثرین کو اس کے خلاف آواز اٹھانے کی تلقین کی گئی جب کہ جنسی بھید بھاؤ کو مٹانے کا بھی عہد کیا گیا۔ اس موقع پر کالج کی طالبات نے خوشی کا اظہار کیا۔