GMC Anantnag Work Report: میڈیکل کالچ کا بیشتر حصہ تیار، چند روز میں مرحلہ وار طریقے سے شروع

ضلع اننت ناگ کے دیالگام میں سرکاری میڈیکل کالج کا تعمیراتی کام نومبر 2016 میں شروع کیا گیا تھا۔ تاہم دو ڈیڈ لائنزختم ہونے کے بعد مذکورہ پروجیکٹ کا کام کچھ حد تک پائے تکمیل تک پہنچ گیا اور منگل کے روز سے اس سے مرحلہ وار طریقے سے شروع کیا جائے گا۔

ضلع اننت ناگ کے دیالگام میں سرکاری میڈ یکل کالج کا GMC Anantnag تعمیراتی کام نومبر 2016 میں شروع کیا گیا تھا۔ 156 رقبہ اراضی پر مشتمل اس پروجیکٹ کا تعمیراتی کام جے کے پی سی سی یعنی جموں کشمیر پبلک کنسٹرکشن کارپوریشن J&K Public Construction Corporation نے ہاتھ میں لیا تھا۔

اگرچہ حکومت کی جانب سے دسمبر 2019 مذکورہ پروجیکٹ مکمل کرنے کا ہدف مقرر کیا گیا تھا،تاہم تعمیراتی کام سست رفتاری کا شکار ہونے کی وجہ سے یہ منصوبہ مقررہ وقت کے اندر مکمل نہیں ہو پایا جس کے بعد حکومت نے اس کی ڈیڈلائن دسمبر 2020 تک بڑھا دی گئی، لیکن تعمیراتی کام میں خاص وسعت نہ آنے کے سبب ڈیڈ لائن کو دسمبر 2021 تک بڑھا دیا گیا۔

اس منصوبہ پر 139 کروڑ کی رقم خرچ کی جا رہی ہے، تاکہ جنگلات منڈی میں قائم جی ایم سی کے مین کیمپس GMC Main Campus Janglat Mandi کو وہاں منتقل کیا جائے۔

اس منصوبے کے مکمل ہونے کے بعد نہ صرف جی ایم سی کا دباؤ کم ہوگا بلکہ پورے جنوبی کشمیر میں طبی ڈھانچہ مزید مستحکم ہوگا۔

ادھر جی ایم سی کے پرنسپل پروفیسر ڈاکٹر سید طارق قریشی GMC Principal Dr. Syed Tariq Qureshi نے کہا کہ کووڈ 19 کی وجہ سے تعمیراتی کام میں رکاوٹیں حائل ہوئی۔

انہوں نے کہا کہ دیالگام جی ایم سی مین کیمپس کا بیشتر حصہ تیار ہو چکا ہے اور آنے والے چند روز کے اندر ایڈمنسٹریٹیو بلاک، کمیونٹی سینٹر اور اس کے بعد لائبریری اور ہاسٹلز کو چالو کیا جائے گا۔

انہوں نے کہا کہی کورونا وائرس اور جموں و کشمیر میں نامساحد حالت کی وجہ سے اس پروجیکٹ پر سست رفتاری سے کام ہوا۔ انہوں نے کہا کہ آنے والے دنوں میں اس منصوبے کو مرحلہ وار طریقے سے چالو کیا جائے گا۔