کھیتوں میں سیلابی پانی آنے پر کسانوں کا احتجاج

جنوبی کشمیر کے ضلع اننت ناگ کے حلقہ انتخاب کوکرناگ کی ندی نالوں میں پانی کی سطح میں اضافہ ہونے کے باعث دھان کے کھیتوں کو شدید نقصان ہوا ہے۔ اس کے نتیجے میں وائلو کوکرناگ کے مقام پر کسانوں نے انتظامیہ کے خلاف احتجاجی مظاہرہ کیا۔

احتجاجیوں نے ڈکسم کوکرناگ رابطہ سڑک کو کئی گھنٹوں تک ٹریفک کی نقل حمل کے لیے معطل کر دیا۔ ذرائع سے معلوم ہوا ہے کہ شدید بارش کے بعد کوکرناگ کے وائلو علاقے میں زرعی اراضی کے لیے پانی کی نہر میں پانی کی سطح اچانک بڑھ گئی۔ اس کے سبب نہر کا سارا پانی مذکورہ علاقے کے کھیتوں میں چلا گیا۔

ذرائع سے معلوم ہوا ہے کہ سب ڈویژنل مجسٹریٹ کوکرنگ موقع پر پہنچے اور معاملے کو خوش اسلوبی سے حل کیا۔