Encounter Breaks Out In Anantnag: اننت ناگ میں عسکریت پسندوں اور سیکورٹی فورسز کے مابین تصادم، ایک عسکریت پسند ہلاک

اننت ناگ کے اروانی علاقے کے مومنہال میں عسکریت پسندوں اور سیکورٹی فورسز کے درمیان تصادم Encounter Breaks Out Between Terrorists and Security Forces کی اطلاع ہے۔

اننت ناگ کے مومنہال آرونی میں سیکورٹی فورسز اور عسکریت پسندوں کے مابین تصادم جاری ہے، کشمیر زون پولیس کے مطابق ایک عسکریت پسند کے ہلاک ہونے کی اطلاع ہے۔ تفصیلات کے مطابق علاقے میں عسکریت پسندوں کی موجودگی کی ایک مصدقہ اطلاع کے بعد جموں و کشمیر پولیس، فوج اور سی آر پی ایف نے مشترکہ طور پر ایک آپریشن شروع کیا۔ اس دوران وہاں پر موجود عسکریت پسندوں نے فورسز پر فائرنگ کی جس کے بعد جوابی کارروائی کے ساتھ ہی انکاؤنٹر شروع ہوا۔

اننت ناگ میں عسکریت پسندوں اور سیکورٹی فورسز کے مابین تصادم، ایک عسکریت پسند ہلاک

ذرائع کے مطابق انکاؤنٹر میں دو سے تین عسکریت پسندوں کے پھنسے ہونے کا اندیشہ ہے۔ امن و قانون کی بحالی کو لیکر پولیس نے اقدامات اٹھائے ہیں اور آرونی جانے والے تمام راستوں کو سیل کر دیا گیا ہے جب کہ علاقے میں موبائل انٹرنیٹ کو بھی بند کر دیا گیا ہے۔

اننت ناگ میں عسکریت پسندوں اور سیکورٹی فورسز کے مابین تصادم جاری