نیشنل ہائی وے اتھارٹی آف انڈیا کی جانب سے چرسو اونتی پورہ کے قریب قائم کیے گئے ٹول پلازا پر بھاری ٹول ٹیکس وصول کیے جانے کے خلاف ساوتھ کشمیر سومو ٹرانسپورٹ ایسوسی ایشن نے اننت ناگ میں احتجاج کیا۔
احتجاجیوں نے حکومت کے خلاف نعرے بازی کی اور ٹول ٹیکس عائد کرنے کے فیصلہ کو واپس لینے کی مانگ کی۔
ڈرائیورس کا کہنا ہے کہ وہ پہلے ہی جی ایس ٹی، انشورنس و دیگر کئی طرح کے ٹیکسز کے بوجھ تلے دبے ہیں۔ نیا ٹیکس لاگو ہونے سے ان کے مشکلات میں اور اضافہ ہوا ہے جس کی وجہ سے ان کی روزی روٹی متاثر ہوئی ہے۔
انہوں نے حکومت سے ٹول ٹیکس کے نفاذ کے فیصلے کو واپس لینے کی مانگ کی۔
انہوں نے حکومت کو متنبہ کیا کہ اگر ٹول ٹیکس وصول کرنے کا سلسلہ بند نہیں کیا گیا تو وہ غیر معینہ ہڑتال پر جائیں گے۔
