پہلگام : ووٹنگ مراکز پر ووٹرز کی لمبی قطار

جنوبی ضلع اننت ناگ کے سیاحتی مقام پہلگام میں ڈی ڈی سی انتخابات کے لیے ووٹنگ جاری ہے۔

شدید سردی کی وجہ سے پولنگ مراکز پر صبح سویرے ووٹروں کی تعداد کم نظر آئی۔ تاہم وقت گزرتے ہی ووٹروں کی تعداد میں اضافہ ہوگیا۔

واضح رہے کہ بلاک پہلگام میں امیدواروں کی مجموعی تعداد 6 ہے جبکہ مذکورہ بلاک میں 24756 رائے دہندگان اپنی رائے دہی کا استعمال کر کے امیدواروں کے قسمت کا فیصلہ کریں گے۔

انتظامیہ کی جانب سے تمام پولنگ مراکز کے آس پاس سکیورٹی کے سخت انتظامات کیے گئے ہیں۔

وہیں تمام پولنگ مراکز پر کووڈ 19 پروٹوکال کا خیال رکھا گیا ہے جہاں احتیاطی تدابیر اور سماجی دوری کو برقرار رکھتے ہوئے ووٹنگ کا عمل جاری ہے۔