اننت ناگ بڈیگام سڑک کا سنگ بنیاد

ڈی ڈی سی چیئرمین اننت ناگ محمد یوسف گورسی نے آج بڈیگام گاؤں کو اننت ناگ پہلگام مین روڈ سے جوڑنے والی سڑک کا سنگ بنیاد رکھا۔

ڈسٹرکٹ ڈویلپمنٹ کونسل اننت ناگ کے چیئرمین محمد یوسف گورسی نے آج حلقہ انتخاب پہلگام کے بڈیگام نامی گاؤں کے لوگوں کی دیرینہ مانگ کو پورا کرتے ہوئے مذکورہ گاؤں کو اننت ناگ پہلگام روڈ سے ملانے والی رابطہ سڑک کا سنگ بنیاد رکھا۔

تین کروڑ 32 لاکھ روپئے کی لاگت سے دو کلومیٹر لمبی سڑک کو نباڈ کے تحت تعمیر کیا جارہا ہے اور محکمۂ آر اینڈ بی کی جانب سے سڑک پر تعمیراتی کام شروع کیا گیا۔

اس موقع پر چیئرمین کے ہمراہ ڈی ڈی سی کھوڈی پورا مسرا بیگم اور نیشنل کانفرنس کے یوتھ رہنما سعید صبا بھی موجود تھے۔

وہیں ڈی ڈی سی چیئرمین محمد یوسف گورسی نے کہا کہ یہ سڑک علاقے کی لوگوں کی دیرینہ مانگ تھی۔ انہوں نے مزید کہا کہ اس روڈ کو جلد از جلد تعمیر کرکے عوام کے لیے وقف کیا جائے گا۔