ضلع ترقیاتی کمشنر اننت ناگ، ڈاکٹر پیوش سنگلا نے ڈورو، پہلگام، بجبہاڑہ، کوکرناگ کے ایس ڈی ایمز (SDM'S) کے ساتھ ایک میٹنگ کی صدارت کی تاکہ مخصوص علاقوں میں اسٹامپ ڈیوٹی پر نظر ثانی (Stamp Duty Rate Revision) اور تحصیل سطح پر بے ضابطگیوں کو دور کرنے پر تبادلہ خیال کیا جا سکے۔
ضلع کے مختلف علاقوں کے اراضی کی قیمتوں اور اسٹامپ ڈیوٹی میں فرق پر تبادلہ خیال کرتے ہوئے، ضلع ترقیاتی کمشنر نے کہا کہ میٹنگ کا بنیادی مقصد اسٹامپ ڈیوٹی کی شرحوں پر نظر ثانی کے بارے میں غور و فکر کرنا ہے۔
ڈاکٹر پیوش سنگلا نے مزید کہا کہ ترقیاتی سرگرمیوں میں اضافے کے ساتھ، بعض علاقوں میں تعمیراتی سرگرمیوں(Developmental Works) کو پورا کرنے کے لیے خرید و فروخت کے عمل میں اضافہ دیکھا جا رہا ہے۔ انہوں نے عوامی سہولیات کی فراہمی کو یقینی بنانے کے لیے ٹاؤن پلاننگ(Town Planning) پر زور دیا۔
یہ بھی پڑھیں:Bus Stand Anantnag in Shambles: جنرل بس اسٹینڈ اننت ناگ خستہ حالی کا شکار
ڈی سی نے متعلقی افسران کو ہدایت دی کہ اس سلسلے میں ایک رپورٹ بھی تیار کی جائے تاکہ کوئی ضروری کارروائی کی جاسکے۔
اجلاس میں تمام سب ڈویژنوں کے سب رجسٹرار(Sub Registries) اور دیگر اعلیٰ افسران نے شرکت کی۔