اننت ناگ: بیلٹ باکس غائب ہونے کی شکایت پر ہنگامہ

بتایا جا رہا ہے کہ 'اس معاملے پر سکیورٹی فورسز اور احتجاجی افراد کے مابین کچھ دیر تک تصادم بھی جاری رہا۔ احتجاجی افراد کو منتشر کرنے کے لیے فورسز نے لاٹھی چارج بھی کیا اور آنسو گیس کے گولے بھی داغے جبکہ مشتعل افراد نے فورسز پر پتھراؤ کیا۔

مرکز کے زیر انتظام جموں و کشمیر کے اننت ناگ کے نوگام ویری ناگ بلاک میں ووٹرز اور ایجنٹوں نے بیلٹ باکس غائب ہونے کی شکایت کی ہے۔ جس کے بعد وہاں پر موجود عوام نے احتجاجی مظاہرہ کیا۔

بتایا جا رہا ہے کہ 'اس معاملے پر سکیورٹی فورسز اور احتجاجیوں کے مابین کچھ دیر تک تصادم بھی جاری رہا۔ احتجاجیوں کو منتشر کرنے کے لیے فورسز نے لاٹھی چارج کیا اور آنسو گیس کے گولے بھی داغے جبکہ مشتعل افراد نے فورسز پر پتھراؤ کیا۔

وہیں انتظامیہ نے ان الزامات کی تردید کی ہے۔ ڈسٹرکٹ الیکشن افسر کے کے سدھا نے میڈیا سے بات کرتے ہوئے کہا کہ 'انتخابات میں کسی بھی قسم کی بے ضابطگی نہیں ہوئی ہے اور انتخابات شفاف طریقے سے اختتام پزیر ہوئے ہیں۔