گولیوں سے چھلنی لاش برآمد

ریاست جموں و کشمیر میں ضلع اننت ناگ کے بجبہاڑہ علاقے میں سیب کے باغات سے ایک مقامی نوجوان کی لاش بر آمد کی گئی۔

نوجوان کی شناخت وُپزن بجبہاڑہ کے رہنے والے پینتیس برس کے نظیر احمد کے طور پر ہوئی ہے۔

ذرائع کے مطابق نظیر احمد کل شام سے لاپتہ ہو گیا تھا۔ رات کے دوران علاقے میں گولیوں کی آواز سنی گئی تھی اور آج صبح نظیر احمد کی گولیوں سے چھلنی لاش نزدیک کے باغات سے بر آمد کی گئی۔

نظیر احمد کے جسم پر گولیوں کے علاوہ تشدد کے نشانات بھی پائے گئے۔

پولیس نے مقام پر پہنچ کر لاش کو اپنی تحویل میں لے لیا اور پوسٹ مارٹم کے لئے سب ضلع اسپتال بجبہاڑہ سے ضلع اسپتال اننت ناگ منتقل کیا گیا۔

اس سلسلے میں پولیس نے معاملہ درج کرکے مزید کارروائی شروع کر دی ہے۔