Deendayal Upadhyaya: اننت ناگ میں منائی گئی پنڈت دین دیال اپادھیائے کی سالگرہ

جموں و کشمیر کے ضلع اننت ناگ میں پنڈت دین دیال اپادھیائے کی سالگرہ منائی گئی۔ اننت ناگ میں پنڈت دین دیال اپادھیائے کی سالگرہ کے موقع پر بی جے پی کی جانب سے ایک تقریب کا انعقاد کیا گیا۔

تقریب میں بی جے پی کے رہنماؤں نے پنڈت دین دیال اپادھیائے کی زندگی پر روشنی ڈالی۔ ان کے مطابق پنڈت دین دیال اپادھیائے نے بی جے پی کی بنیاد 1965 میں ڈالی تھی، جو ایک مضبوط پارٹی بن کے عوام کے سامنے ہے۔

انہوں نے کارکنان سے زور دیتے ہوئے کہا کہ پارٹی کو زمینی سطح پر مضبوط کرنے میں اپنا کلیدی رول ادا کریں اور پنڈت دین دیال اپادھیائے کے مشن کو کامیاب بنائیں۔

اس موقع پر مائناریٹی مورچہ کے صدر محمد صديق خان، محمد رفیق وانی و دیگر لیڈران بھی موجود رہے۔ لیڈران نے بی جے پی اور عوام کے تئیں مرحوم کی خدمات کو یاد کیا اور انہیں زبردست الفاظ میں خراج عقیدت پیش کیا۔