اننت ناگ پالیمانی حلقے کے لیے بی جے پی امیدوار نے آج پرچہ نامزدگی داخل کی۔
صوفی یوسف آج دوپہر ضلع ترقیاتی کمشنر اننت ناگ کے دفتر پہنچے جہاں انہوں نے کاغذات نامزدگی داخل کیے۔
کاغذات نامزدگی جمع کرنے کے بعد پارٹی کارکنوں نے صوفی محمد یوسف کا والہانہ استقبال کیا۔ اس دوران کارکنوں نے صوفی یوسف کے گلے میں پھولوں کے ہار پہنائے اور رقص کرتے ہوئے ان کی حوصلہ افزائی کی۔
میڈیا سے بات کرتے ہوئے صوفی نے کہا کہ انہیں پی ڈی پی اور نیشنل کانفرنس کے ساتھ مقابلہ نہیں ہے بلکہ پی ڈی پی اور نیشنل کانفرنس کا ان کے ساتھ مقابلہ ہے۔
انہوں نے کہا کہ ریاست میں پی ڈی پی اپنی ساخت کھو چکی ہے اس لحاظ سے پی ڈی پی کی ہار یقینی ہے۔
صوفی نے مزید کہا کہ "پی ڈی پی ریاست میں جاری خون خرابہ کی ذمہ دار ہے"۔
صوفی نے کہا کہ بی جے پی ریاست کی امن ترقی و خوشحالی کی خواہاں ہے اور اسی ایجنڈے کو لے کر پارٹی نے انہیں میدان میں اتارا ہے۔