بجبہاڑہ پریمیئر لیگ پر بجبہاڑہ اسپورٹس کلب قابض

بجبہاڑہ پریمیئر لیگ کا فائنل میچ بجبہاڑہ اسپورٹس کلب اور اسلامیہ کنگس اننت ناگ کے درمیان کھیلا گیا۔ جس میں بجبہاڑہ اسپورٹس کلب نے سات وکٹ سے جیت درج کر فائنل اپنے نام کرلیا۔

جموں و کشمیر کے ضلع بجبہاڑہ کے ہائر سیکنڈری اسکول میں بجبہاڑہ پریمیئر لیگ کا فائنل میچ کھیلا گیا، اس موقع پر اننت ناگ ضلع کرکٹ ایسوسی ایشن کے صدر فاروق امین، بجبہاڑہ کرکٹ ایسوسی ایشن کے چیئرمین نصیر احمد وید اور کرکٹر پرویز رسول موجود تھے۔

بجبہاڑہ پریمیئر لیگ کا فائنل میچ بجبہاڑہ اسپورٹس کلب اور اسلامیہ کنگس اننت ناگ کے درمیان کھیلا گیا۔ جس میں بجبہاڑہ اسپورٹس کلب نے سات وکٹ سے جیت حاصل کرکے ٹرافی اپنے نام کی۔

اس موقع پر بجبہاڑہ کرکٹ ایسوسی ایشن کے چیئرمین نصیر احمد وید نے کہا کہ 'بجبہاڑہ پریمیئر لیگ میں جنوبی کشمیر کی 16 ٹیموں نے حصہ لیا تھا، جب کہ میچ کا آخری مقابلہ آج بجبہاڑہ اسپورٹس کلب اور اسلامیہ کنگس اننت ناگ کے درمیان کھیلا گیا۔'

انہوں نے کہا کہ 'بجبہاڑہ کرکٹ ایسوسی ایشن کا مطلب صرف ٹورنامنٹ کو آرگنائز کرنا نہیں ہے، بلکہ ہونہار نوجوانوں کو ایک صحیح پلیٹ فارم مہیا کرنا ہے۔'

انہوں نے کہا کہ 'کئی سارے نوجوان نشے کی لت میں گرفت ہوچکے ہیں، جب کہ ہمارا مقصد ہے کہ نوجوان کرکٹ کھیل کے ذریعہ نشے کی لت سے دور رہے۔

اس موقع پر فاروق امین نے ای ٹی وی بھارت کے نمائندے سے بات کرتے ہوئے کہا کہ 'یہاں کے نوجوانوں میں کرکٹ کی بھرپور صلاحیت ہے، لیکن اگر کمی ہے تو بنیادی ڈھانچے کی۔

واضح رہے کہ بجبہاڑہ قصبہ سے کئی نوجوانوں نے کرکٹ کے میدان میں نمایاں کارکردگی کا مظاہرہ کیا ہے، جس میں پرویز رسول کا نام قابل ذکر ہے۔

کرکٹر پرویز رسول کو اپنا رول ماڈل مان کر بجبہاڑہ قصبہ کے کئی دیگر نوجوان کرکٹ کی دنیا میں نام روشن کرنے کے لیے دن رات محنت کررہے ہیں۔