بجبہاڑہ: گولی لگنے سے کمسن لڑکا زخمی

ضلع اننت ناگ کے آرونی بجبہاڑہ علاقہ میں نا معلوم بندوق برداروں نے حسن پورہ کے رہنے والے شخص کو گولی مار کر زخمی کر دیا ہے۔

اطلاعت کے مطابق جنوبی کشمیر کے ضلع اننت ناگ کے بجبہاڑہ میں نامعلام بندوق برداروں نے بلال احمد بادام نام کے ایک شخص پر اس وقت گولیاں چلائی جب وہ اپنی آئی ٹوینٹی کار میں آرونی سے بجبہاڑہ کی جانب جا رہے تھے۔ بلال احمد پیشہ سے ایک ٹھیکیدار ہیں۔

بلال احمد کے مطابق آرونی اور بجبہاڑہ کے درمیان آلٹو کار میں سوار نا معلوم افراد نے پستول سے ان کی گاڑی پر اندھا دھند فائرنگ کی۔

بلال احمد اس حملہ میں بال بال بچ گئے تاہم ان کے ہمراہ ان کا کمسن بیٹا معروف احمد کے پیر میں گولی لگ گئی ہے، جس کے نتیجے میں وہ زخمی ہو گیا ہے۔

اس حملہ کے بعد زخمی کو فوری طور پر نزدیکی ہسپتال میں داخل کیا گیا ہے، جہاں ان کی حالت مستحکم بتائی جا رہی ہے،

واقعہ کے فوراً بعد سکیورٹی فورسز نے پورے علاقہ کو محاصرہ میں لے کر حملہ آوروں کی تلاش شروع کی ہے۔

اس سے پہلے اننت ناگ پولیس نے ٹویٹ کرتے ہوئے کہا تھا کہ اس حملہ میں کوئی بھی عام شہری زخمی نہیں ہوا ہے اور حقائق کا پتہ لگانے کے لیے واقعہ کی جانچ کی جا رہی ہے۔