BDC Chairman Lassipora Block: 'بی ڈی سی چیرمین لاسی پورہ بلاک عہدے سے برطرف

ممبران کے مطابق سابق چیرمین بلاک کے سبھی علاقوں میں تعمیر وترقی کے کام انجام دینے میں ناکام رہے۔ انہوں نے یہ بھی الزام لگایا کہ وہ اپنے عہدے کا غلط استعمال کرکے علاقے میں جاری ترقیاتی منصوبوں کو تین لوگوں میں تقسیم کرتے ہیں، جس کی وجہ سے ترقی نہیں ہوتی۔ بلاک میں آنے والے سبھی علاقے ترقیاتی کاموں سے کوسوں دور ہیں۔ BDC Chairman Lassipora Block Removed From His Post

پلوامہ:جنوبی کشمیر کے ضلع پلوامہ کے لاسی پورہ بلاک سے تعلق رکھنے والے سبھی سرپنچوں نے مشترکہ طور پر ایک اجلاس طلب کیا تھا Sarpanches Had Jointly Convened a Meeting، جس میں انہوں نے پنچایت افسر پلوامہ کے سامنے بی ڈی سی چیرمین غلام محمد میر کو عہدے سے ہٹانے کی گزارش کی۔

ممبران کے مطابق سابق چیرمین بلاک کے سبھی علاقوں میں تعمیر و ترقی کے کاموں کو انجام دینے میں ناکام رہے ہیں۔ انہوں نے یہ بھی الزام لگایا ہے کہ وہ اپنے عہدے کا غلط استعمال کرکے علاقے میں جاری ترقیاتی منصوبوں کو تین لوگوں میں تقسیم کرتے ہیں، جس کی وجہ سے ترقی نہیں ہوتی۔ بلاک میں آنے والے سبھی علاقے ترقیاتی کاموں سے کوسوں دور ہیں۔

اس ضمن میں پنچایت راج ایکٹ کے تحت سابق چیرمین کو ہٹانے کے لیے ووٹنگ عمل میں لائی گئی۔ جس کے بعد علاقے کے سبھی سرپنچوں نے چیئرمین کو عہدے سے ہٹانے کے لیے ووٹ دیا۔ وہیں اس موقع پر سجاد رینہ جو کہ بلاک کے وائس چیئرمین بھی ہیں انہیں آج سے بطور عبوری چیرمین مقرر کردیا گیا۔

اس موقع پر سجادرینہ نے کہا کہ ہمارے مشن، سب کا ساتھ سب کا وکاس ہے۔ اس کے لیے ہی ہم کام کررہے ہیں۔ انہوں نے کہا کہ 'ہمارے بلاک میں محتلف سیاسی جماعتوں کے ممبران تھے، تاہم انہوں نے مجھے ووٹ دیا جس کے لیے میں ان کا شکرگزار ہوں۔